Unha autora de cómic e un sociólogo devánanse os miolos para comprender a moda con todos os seus paradoxos. Entre fascinación, frustracións e dilemas éticos aos que é imprescindible dar resposta hoxe en día, preséntannos unha investigación que nos fará viaxar a través do tempo e o espazo para entender mellor esta complexa industria creativa. Se queres sabelo todo sobre por que é tendencia levar chanclas con calcetíns, a diferenza entre moda e estilo, a idea que tiñan Platón e Aristóteles sobre a moda, o armario de María Antonieta, a moda ecorresponsable ou o little black dress, este é o teu libro!