Na cub.:Premio Nobel de Literatura.

Maio de 1980. A cidade de Gwangju mobilízase contra a ditadura militar de Chun Doo-hwan que hai uns meses tomou o poder en Corea do Sur. A oposición civil, liderada polos estudantes universitarios, sublévase a favor da democracia, pero o exército reprime cruelmente as protestas disparando indiscriminadamente á multitude, sen facer distincións entre estudantes e civís. Tras a sanguinaria matanza, un mozo busca o cadáver dun amigo, unha alma tenta aferrarse ao seu corpo abandoado e aos seus recordos, e un país brutalizado busca a súa voz. Nesta novela polifónica, as vítimas e os sobreviventes que os choran enfróntanse á censura, á negación, ao perdón, á culpa e á memoria dun episodio traumático que segue ecoando nos nosos días.